ВЫДАТНЫ МАТЧ З ХАРАКТАРАМ
У чацвер у 11.00 на стадыёне Верцялішкаўскай СШ пачаўся матч чэмпіяната Гродзенскай вобласці, у якім мясцовая каманда прымала гродзенскі "Неман". Гульня атрымалася відовішчнай. І, нягледзячы на статус суперніка, які недаацаніў нашых хлопцаў, у Верцялішак быў шанец не толькі на нічыю, але і на перамогу.
Хлопцы прадэманстравалі характар. І ў адказ на забітыя галы суперніка, якія выглядалі занадта выцаджанымі, нашыя адказвалі выдатнымі наступальнымі дзеяннямі, і як следства - відовішчыныя галы. Адзін з іх атрымаўся ў выніку кантратакі, калі перадачу ў цэнтры атрымаў Надзейка Максім і перакінуў не паспеўшага да мяча брамніка суперніка.
На жаль, на прыканцы першага тайма, мы атрымалі другі мяч у свае вароты, куды "Неман" проста запіхнуў мяч пасля розыгрыша вуглавога. Пасля перапынку прыйшлося зноў адыгрывацца. Другі тайм прайшоў пад дыктоўку нашых. Канешне, здараліся часам відавочна правальныя хвіліны, але тады на дапамогу прыходзіў наш брамнік, які накрыў некалькі выхадаў сам насам.
Другі гол атрымаўся вельмі прыгожым: кантратака, некалькі хуткіх перадач, мяч на левым фланзе недалёка ад штрафной атрымоўвае Кірыл Патачыц і прабівае па варотах. Брамніку "Немана" нічога не заставалася як даставаць мяч з сеткі.
Але пасля адной з рэдкіх кантратак суперніку атрымалася давесці мяч да нашых варот і пасля дакладнага стрэла нам зноў прыйшлося адыгрывацца. Апошнія 10 хвілін верцялішкаўчане правялі рашучым наступам на вароты суперніка. Але не хапала дакладнасці. Не дапамаглі і некалькі штрафных, якія маглі вырашыць сітуацыю на нашую карысць.
У выніку саступілі "Неману" 2:3. Але матч, у параўнанні з пазаўчарашнім з Зэльвай, паказаў наш характар і здольнасці.
Выдатная гульня! Наступная хатняя адбудзецца 24 чэрвеня супраць каманды Ліды. Запрашаем!
